Tingtoeng 57:2-11

²Kai ham hma aka khap Pathen te Sangkoek Khohni, Pathen la ka khue.

³Vaan lamkah han tueih tih kai n'khang, kai aka hloem khaw a veet. Selah Pathen loh a sitlohnah neh a oltak te a tueih.

⁴Ka hinglu he hlang capa boeih aka hlawp, sathuengnu rhoek lakli ah ka yalh. A no khaw caai neh thaltang la om tih a lai te cunghang bangla haat.

⁵Pathen he vaan rhoek soah pomsang pai saeh. Namah kah thangpomnah loh diklai pum khuk thil saeh.

⁶Ka khokan ah lawk a tung uh tih ka hinglu loh duengyai sut. Kai hmai kah a vueh uh rhom khui ah cungku uh. Selah

⁷Ka lungbuei cikngae ngawn Pathen aw. Ka lungbuei cikngae neh ka hlai vetih ka tingtoeng ni.

⁸Ka thangpomnah aw haenghang laeh. Thangpa neh rhotoeng haenghang laeh. Mincang ah haenghang pawn ni.

⁹Ka Boeipa nang te pilnam rhoek taengah kan uem vetih, namtu rhoek taengah kan tingtoeng ni.

¹⁰Na sitlohnah loh vaan duela, na uepomnah loh khomong khaw a puet.

¹¹Pathen he vaan rhoek boeih soah pomsang pai saeh. Namah kah thangpomnah loh diklai pum khuk thil saeh.