Tingtoeng 139:9-22

⁹Mincang phae ka phuel tih tuitun rhalvang ah kho ka sak.

¹⁰Teah pataeng na kut loh kai m'mawt vetih na bantang kut loh kai n'tuuk ni.

¹¹“Khohmuep loh kai n'thing,” ka ti ngawn cakhaw khoyin he ka taengvai ah vangnah la poeh.

¹²Khohmuep pataeng namah taengah hmuep pawh. Te dongah khoyin te khothaih bangla, tamyin khaw khosae bangla sae ni.

¹³Namah loh ka kuel khaw na lai tih a nu bungko khuiah kai nan cun coeng.

¹⁴Namah te kang hiin dongah ni kang uem. Na bibi khaw khobaerhambae la khobaerhambae coeng tih ka hinglu loh phaeng a ming.

¹⁵Ka thaa khaw namah taeng lamloh a thuh moenih. A huephael ah n'saii tih diklai laedil ah n'hlom.

¹⁶Ka pumho he na mik loh a hmuh coeng. Te boeih te na cabu khuila a daek uh vaengah khohnin khaw saii uh hlan tih amih te pakhat khaw om hlan.

¹⁷Te dongah Pathen namah na mangtaengnah tah kai ham bahoeng a phutlo tih a hnun bahoeng ting.

¹⁸Te te ka tae ham khaw laivin lakah puh. Ka haenghang vaengah kai khaw namah taengla ka om pueng.

¹⁹Pathen aw halang ke na rhaem oeh atah hlang thii he kai taeng lamloh khoe mai.

²⁰Namah te tangkhuepnah neh a thui tih na rhal rhoek loh a poeyoek la a phueih.

²¹BOEIPA nang aka thiinah rhoek pawt nim ka thiinah tih nang aka tloelh rhoek taengah ka ko a oek?

²²Ka taengah thunkha la a om uh dongah amih te hmuhuetnah neh a khuetnah ka thiinah.