Thuchihbu 7:1-19

¹Ka chapa, kathumop hi juijin; kathupeh chengse ching jing-in.

²Kathupeh chengse hinna naneithei nadin nit jing in! Kathuhilchengse namit chang naki chintupbang in chingtup in.

³Hichengse chu nasuhmil lounadin nakhut junga, khutjem bunkibun lang; nalungthim gil sungalekhajem bang in kijih lut in.

⁴Chihna hi naso pinu bang inngailun, chule insung ngaitah banganakisem ding ahi.

⁵Hichun numei jong hoa konnavendoh ding, pasal toh jonthanhoibol numeia kon chu nahoidoh ding ahi.

⁶Kain bang-kot akon kagal vet’a, polam kavet a ahileh,

⁷gollhang ho kititna mun’a chun, lungthim bei gollhang khat aum in ahi.

⁸Amapa chu, numei jong-nu inlamachun avah lejin, hiche numeinu in-jotna lam chu ajon jitai.

⁹Jingkah khovah then then in jong, nilhah lam in jong, jan muthimlah’a jong, hiche lam’a chun ache jitan ahi.

¹⁰Chuin numei khat in amudohtan, amanu chu noti-von a kivon, a-lua pon akikhuh in ahi.

¹¹Hiche nuchu thunung lou khopin, jum le ja jong helouvin; in-a umthim thei lou ahi.

¹²Amanu chu kailhang le lamledunga um jing ahin, munthipningkoi lah jenga mi achan lhihjiahi.

¹³Gollhangpa chu amu tengangong koi pai ji-in, achop jitan, jum lou tah’in gollhangpa hengachun aseijin,

¹⁴“Keiman chamna maichamsem ding tampi kaneijin, tuni hinkakitepna jouse pe tange,

¹⁵Ajeh chu nangma velhih-ahung potdoh kahi! Lunglhai sel’anangma hol’a kahung chu, hikom-akamutai!

¹⁶Kajal khun jong Egypt gam’aponnem jemhoi tah’a kapha jolselahi.

¹⁷Kajalkhun chunga myrrh namtuikathe in, aloes namtui le thingthalnamtui tah kahin the ahi.

¹⁸Hungin, jankhovah geijin lungnachimtah in kinou hitin, kilungsethitin, jankhovah in kideito hite.

¹⁹Ajeh chu kajipa in-a aumpon, khojin in mun gamla tah’a achenahi.