Text copied!
CopyCompare
Anumzamofo Ruotage Avontafere - Proveps-Knare Nomaniza - Proveps-Knare Nomaniza 7

Proveps-Knare Nomaniza 7:1-19

Help us?
Click on verse(s) to share them!
1Mofavre'nimoke, keni'a nentahinka, kasegeni'a eri kagu'afi antegeno raza segantena kva huo.
2Kasegeni'ama amage antesanana kagra kasefa hunka nemaninka, rempima hugamisua zana kavurgama kegva nehanankna hunka kegva huo.
3Kazeri kagesa hanigu rini kazampi antaniankna hunka kantu kagu'afi tumoka'are krento.
4Knare antahintahigura nensaro'e nehunka, antahi amahu antahintahigura nenafu'e hunka huo.
5Ve'ama maninesia a'mo'ma kazeri savrima hu'zama nehinkeno'a, ana kemo'a kaza nehina ru kazigati a'mo'ma kazeri savri hunaku'ma masavenke'ma nehanigeno'a, ana kemo'a kaguvazigahie.
6Mago zupa mani'ne'na noniamofona zaho eri kampinti negogeno,
7mago'a nehazave enevazafina kogeno amuno zamifina, mago nehaza ne'kanora, knare antahizama'a omanenea ne' ke'noe.
8Agra monko'amofo nontava'onte vu'nea nonkaranka nevuno, ana a'mofo nonte vu'nea kampi ufreno vu'ne.
9Hanima hukuma nehigeno, hanimo'ma rentrako huzahifi ana hu'ne.
10Ana a'mo'ma kukenama hu'neana monko a'nemo'za nehazankna kukena hu'neno, ana ne'ma masavenkema asamino azeri savrima hanigura e'ne.
11Ana a'mo'a kehagra hagra nehuno, nontera manirava oheno kankekanke nehigeza, rama vahe'mo'za ke'za antahiza hu'naza are.
12Ana a'ra hakarea zupa kampine, maketi kumapine, maka kaziga manineno venenema evazageno rezamaheno zamavazuma hanigu negea akino,
13ana nehaza nera azeri anukiazamo antako hunenteno, avufga azeri otiare avunutira negeno anage hu'ne,
14nagra menina narimpa fruma eri kresramana vugeno, huvempama huntenoa kemo'a raga re'ne.
15Hu'negu kagriku hakarena kagenaku oregati hago eme kagena eri forehue.
16Isipi vahe'mokizmi pse'ane tavravereti mase tafera hunte'noe.
17Hago knare manama vuzantami miama, aloima, sinamoninu mase tafepina rutri huna ahemna vunte'noe.
18Hagi egeta umaseneta, zokagora nereta musena nehanukeno ko'aturanteno.
19Nenave'a nontera omani'neanki, hago afete ka vu'ne.

Read Proveps-Knare Nomaniza 7Proveps-Knare Nomaniza 7
Compare Proveps-Knare Nomaniza 7:1-19Proveps-Knare Nomaniza 7:1-19