Thuchihbu 6:15-29

¹⁵Hiche ho jeh a chu, amahochunga gangtah a manthahna chuding, damdoh vah thei louva umdiu ahi.

¹⁶Pakaiyin athet tah thil gup aume, Ama ding in thil sagima adei louaum in,

¹⁷kiletsah mitvet, jou seina leigui, mona beija thisansoa panla khut teni,

¹⁸thilse gonna lungthim, thilse boldinga lhai keng teni,

¹⁹thujouseina-a jou sakhia pang, chule asopi lah-a kitomona muchithea pangpa ahi.

²⁰Ka chapa, napa thupeh hohingaiphan, chule nanun nahilna jongdon louvin koi hih in.

²¹Amanin nahilna ho, nalungsunga chingtup jing in; na ngongakhivui on ki-o jing in.

²²Hiche hochun nakal sonna jousea napui hoi ding, na-imut teng jongleh nachin tup diu, nahungkhahdoh teng jongleh nahil’a pangkit diu ahi.

²³Ajeh chu amani thupeh chengsehi thaomeia pang ahin, kihilna jengjong thaomei vah tobang, chulekiphosalna le kigah chahna jousejong hinna lampia pang ahibouve.

²⁴Hichun numei phalouva konnavenbit ding, akam them jehjunumeia kon chu nahoidoh thei dingahi.

²⁵Amanu melhoina khu nalung indeicha hih in, amit vetdan akon injong kilhep lhahsah hih hel in.

²⁶Ajeh chu numei kijohnu chunvaichat nahin lhun den ding, hitobang numei pasaltoh jongjichun pasal hinkho chu manthahnaasoji ahitai.

²⁷Mihem khat chun adip-a mei-alapoh theijem? Chule aponsil jengjong kavam louva akoi thei jem?

²⁸Amapa chu mei-al chunga vahletheijem? Akengto phang teni jongkalouva akoi thei jem?

²⁹Aheng akompa jinu jonpi jonghiche tobang bep chu hiding, ahengakompa jinu lup khompi tapou chudan in amat tei ding ahi.