Thuchihbu 30:3-24

³Keiman chihna thucheng kajakha hih laijin, mithengpa kiti jongkaphongdoh kha naipoi.

⁴Pathen tailou koiham vanna kaltouva hung kumsuh kit? Koihamakhut tum’a huituh theija? Koihamaponsil a twi chun thei? Koihamvannoi pumpi sem? Ama chu aminipi ham chule achapa min ipiham? Nang in vang nahet chetset ahi.

⁵Pathen thucheng jouse hi adihsohkeijin, Ama henga kiselte ding inlum-in apang e.

⁶Pathen seidohsa thucheng belaphih hel in, achutilouva ahileh amannaphosal ding; mijou nahi lo ding ahi.

⁷O Pakai thilni kangai chae, kathikahsen hiche thilni hi nei-it pehhihbeh in.

⁸Amasan jouthu kaseilouna dinginneipan pin, aninan vaichatna lehaona neipe hih in; keima nehkhopbep ding in neivah jing tan.

⁹Ajeh chu keima hung haobehseh leng, “Pakai chu koiham?” tianangma douna thu kasei lo ding; vaicha behseh kit leng kaguchat lokit ding, ka-Pathen mintheng kasuhthang bep ding ahi.

¹⁰Soh chu apupa kom’a heh hihbeh in, ajeh chu aman nahin sapseta naje lo thei ahi.

¹¹Mi kimkhat chu apute apate gaosap ngam jong aum in, hijeh chun apite anute chan geijinphatthei achang pouve.

¹²Amaho mitmu jenga thengkisa jong aum uvin, hinlah athenlounauva kon in khatcha angim dehpouve.

¹³Kimkhat machu amitmu uvinakichoi sang un, amit dang-chunguva chunglam ve jong aum un ahi.

¹⁴Amahon chemjam tobang hahemtah anei jun, chule aha jouseujong chemcha hemtah tobang ahin; leiset chunga vaichate bahgam dingangaito uvin, mihem lah’a neilaltebah gam din akigo uve.

¹⁵Vot’in nou ni anei jin, “Neipehben, neipeh ben,” ati lhon e. Chulechim louhel a thil thum aum in; thilin jong, “Alhingsel tai,” atideh pon ahi.

¹⁶Noimigam achinga naobu ahin, leiset inla twi ducha jinga um, meika diuje jun la “Alhingsel tai,” atideh poi.

¹⁷Koi hileh apa mitche keh dana, chule anu thua nung lou chuphaicham’a um va-ah ten akilo diu, mu-thong hon along aneh diu ahi.

¹⁸Kei ding in thil thum hi datmahumtah ahin, chule kahet khen theilou thil li aum in ahi.

¹⁹Vanlaijol’a muvanlai lennalampi, Songpi chunga gul kitholnalampi, Twikhanglen lailunga touna-kong kitolna lampi, chule pasalkhat in nungah khat alungset jidan.

²⁰Numei-jong chondan hi hiti ahi: an anen, amuh akitheh jol loijin, “Keiman thil dihlou ima kabolpoi,” tin aseije.

²¹Thil thum hin leiset ahot-ling jin, thil li vang leiset in athoh joupoi.

²²Soh chu hung leng changa, chulemingol in a-oi vaset’a an anehji ahi.

²³Min adeilou numei chun jidingpasal akimudoh jia, soh numei jinapinu akhel jiteng,

²⁴Leiset chunga thilneo li aum in, hiche thil li hohi achinga ching theiahiuve.