Thuchihbu 24:8-24

⁸Koi hileh thilse bol ding ngaito chan chu, jou le nal-a natongpa tia kikou ding ahi.

⁹Mingol ho thilse gonhi chonset ahin, mi ahilou lam’a tot chaveipa jong mi jousen athet ahibouve.

¹⁰Kidoupin nahin phah nikho teng jongleh lung lhadai hih in, ajeh chu lhahsamna’a nanei cheh ding ahibouve.

¹¹Thina lam jon-a kijot hokhu huhhingloijin, chulemin athagamna dinga kipal-lhu ho jong huhdoh loijin.

¹²Nangman, “vetem in, keihon hiche hi kathei phapouve,” tin nasei in, Ama bouvin mihem lungthimakholchil-a ahet chin ji hilouham? Nalhagao vea ching jing panhitobang hi amelchih jing hilouham? Aman mihem koi hileh atohdungjui cheh-a lethuhna anei dinghilou ham?

¹³Kachapa, khoiju hi don in atuilheh jeng e, khoi-phanga apat hungpot khoiju hi nele chun alhum’a lhum ahi.

¹⁴Chihna kiti hi nalhagao dingahiche tobang chu ahi. Chule chihnahi namu jouva ahileh khonungdinga phachom tah ahi.

¹⁵Miphalou bang in midihpa chua-in pang dunga ga chang lhih hihin, midihpa in jong chomding gohih hel in.

¹⁶Ijeh-inem itileh midih kiti hivel sagi jen lhu jongleh, athoudohthei jin, hinlah miphalou ho chungahamsetna ahung lhun teng akhupathal in aleh jitai.

¹⁷Namelma akipal lhuh tengkipanan neihih hel in, aman kipallhuhna ato khah jongleh kipathanopna’a nanei lou ding ahi.

¹⁸Ajeh chu Pakaiyin hin mudohleh, lunghanna’a anei loding ahi. Hijeh chun ama kon chun Pakailunghanna peldoh in.

¹⁹Thilse bol ho jeh in nang le nangkisih hih in, chule achon chan-ujong thangsetpi dan.

²⁰Ajeh chu miphalou ding inkhonung thua kinepna abeijin, chule migilou ho thaomei kimut mitpeh tei ding ahi.

²¹Kachapa, Pakai le lengpa gingin lang, Anitah lhon-a athua nanun ding ahi.

²²Ajeh chu Amania kon hetmanlouva hamsetna hung lhung ding, Pakai le lengpa’a kon hung lhungdingmanthahnachukoimanahethei him him poi.

²³Hicheho jouse jong hi michingho thusei ahisoh keijin: Thutan-alangneina nei kiti jong hi thildihahipoi.

²⁴Migiloupa kom’a, “Nangmanthemmona nanei poi,” tia sei chu, mitin vaipi gaosap chang ding, namtin in athet ding ahi.