Thuchihbu 12:3-23

³Phatlounakonininchen amangthah jin, mi chondih ho vang chu koiman asuh-ling jou lou ding ahi.

⁴Numei pha chu ajipa dinga lallukhuh ahin, jumna le jachatna’a um numei vang ajipa dinga agu achang chip tobang ahi.

⁵Midihte tohgon chu adih a tanpeh ding, hinlah, lungthim dihloute thumop vang chu kijoulhepna jeng ahi.

⁶Midihloute kamcheng chu thisan sona ding jeng ahin, midih ho kamcheng vang kihinsona jeng ahi.

⁷Midihloute chu manthahnan alhut loiji tan, midih ho vang chu ding det cheh cheh diu ahi.

⁸Mihem hi alungdih jal’a pachat changji ahin, mihem lungphalou chu thetbolna achang-jin ahi.

⁹Mi thupi tah banga chon a, neh le chah lhahsam sang in, lung lhaisel’a ana-kitohpa aphajon ahi.

¹⁰Midih hon agancha jengu jong khohsahna aneijun, midih loutea kon ngailutna vang chu thangsetna ahi.

¹¹Mipontho chun agam leiset akhot-a neh ding aki khol ahin, pannabeija thil ngaitoa lhailepan vang ima aneiji pon ahi.

¹²Midihlou in chu mangthah loi ding, midih ho vang chu thingphungphatah in ajung akhodet tobang ahi.

¹³Midihlou chu akamsung sohsaaseikhel thucheng achun akipal jin, midih ding in vang gim hesoh akonin ajamdoh jitai.

¹⁴Mihem khat chun akam thep-ga anen alungkim jitan, hijeh achumihem khat in na atoh teng achungalelhun-ji ahi.

¹⁵Mingol hon achena chan-u adihjeng in amu-jiuvin, midih vangchun min ahilna angaijin, lamdihlou apeldoh jin ahi.

¹⁶Mingol in alunga adeilou chuaphongdoh paijin, midih vang chunmin ahilouva athet bolna jong imanagel jipoi.

¹⁷Midih chun thudih aseitengkicheh sel’in vetsahna aumjin, jou le nal-a thuseipa vang chunamacham cham in thu aseidoh-jin ahi.

¹⁸Thu kiti hi, nasatah chemjambanga kidoulal jong aum jin, miching thusei vang chun mihemadamsah-jin ahi.

¹⁹Thutah beh seite kamsunga konin, thudih jeng apot in, thujou seitekamsunga kon vang chu hetmanlouva manthahna sohji ahi.

²⁰Thilphalou gong ho lung sungathilse jeng dimset in acheng in, thilpha jeng ngaito teding in kipanajeng ahi.

²¹Midih chunga thilse alhungjipon, miphalou te chunga vanggim le hesohna jeng alhung jin ahi.

²²Jou le nal jeng seiji leigui chu Pakaiyin athet in, thudih a natong techunga vang Pakai akipah-jin ahi.

²³Miching hon achih-nau kiletsahpi louvin aum jiuvin, mingol hon vangangolnau chu aphongjal le-jitauve.