47Fana Kotimo someraka, ‘Yu aporohoanafonosane Kotimo ikia kara pusimo nómo mafaehokosapo. Aporo su hauaka sua risiane nómo farimakasimo nōmo maresapo.’ Aíyaka Kotimo somerakano etapo kakimaka Yu aporohoanafonosaki some kakako pukusapo.”
48Aíyaka tetapō somerakano, Yu aporohoanafonosamo kaikia seseraka, Unihae Kotimo someane kaisiasamo kekeresapo. Aporo Kotiyaki yaiya risikiasimo Kotimo murikimasapo. Murikimasa aporo hinamomo Yasu hemakapusimo tetapō some kasane ipu kakimasapo.
49Arirakano hauaka á Kotimo someane sape ro some kaka, sape aka some kaka, ayiáka hauaka sua pukua some kape pusuapo.