47Esepia, yande Yar ombou ore cuaitarã co ñehesa rese aracahendar aipo ehi vahe: ‘Che oroporavo tataendɨ nungar nde reco ãgua ndahei vahe judío yuvɨrecoi vahe upe pɨ̃sɨrosa reroguata ãgua opacatu ɨvɨ rupi’ ehi.
48Ava ndahei vahe judío osenduse co ñehesa, ovɨharete yuvɨreco, omboetei avei Tũpa Ñehengagüer. Opacatu ava iporavoprɨ tecovesa apɨrẽhɨ vahe pɨsɨ ãgua, ahe vɨroya yuvɨreco.
49Evocoiyase Tũpa Ñehengagüer omombehu opacatu ahe ɨvɨ rupi yuvɨreco.