Tang Ko Pitang 2:2-13

²Ni bod ba floras ni giyab u fithik’ e rchangal e aram rogon e en gamow u fithik’ e pi’in ni ppin.

³Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

⁴I fekeg ko senggil ni tagil e madnom rok me tining e flak ko adag nga dakennag.

⁵Mu pi’ e raisin ngog nge sul gelngig nge arfath ni nge pasig nigeg! Ke m’aynag e darngal gelngig.

⁶Ku gu teyay’ ko ba ni gil’ay i pa’, ma ba’ ni mat’aw i pa’ e ke longobiyeg.

⁷Mmicheged ngog, gimed e ppin nu Jerusalem, mmicheged u daken e deer nib machreg nge gazelle ni dab mmagawon niged e adag romow.

⁸Kug rung’ag laman e en ni gamareg. Nike yib ni be mil u daken e pi burey, ni kemus macharngin ni be th’ab e pi ted i yib ngog.

⁹Adag rog e bod e gazelle, fa deer ni kabbitir. Ba’aram nib sak’iy u charen e rungrung. Ni be changar u winda nga naun me damit u thilin e sagel.

¹⁰Gamareg mu non ngog. Fare Mo’on Adag rog, ere moy; mu’un ngog to’.

¹¹Ke m’ay ngil’an e garbeb; ma ke tal e nuw’;

¹²ma go’ ke puf e flores u ba’nem e binaw. Iraray ngil’an e tang; tang ko dove e ka ni rung’ag u lan e yungi flang.

¹³Ke tabab e maloel ko fig; ma mak’uf ko grape e ke fal’eg bon e nifeng. Adag rog, ere moy; mu’un ngog to’.