Sua Tutŋana 9:4-8

⁴Mi zin wal ta ŋgar kizin ipet zen na, ni izzo pizin ta kembei: “Ai, niom wal ta leyom ŋgar biibi som na, niom ta boozomen kamar ruumu tio.

⁵Pa kini mi yok baen, ta aŋurpe ma imap kek. Kamar ma kakan mi kiwin.

⁶Kezem mbulu tiom kankaanaŋana ma imborene. Naso kombot ambai. Koto zaala ki ŋgar ambaiŋana.”

⁷Zin wal ta tipakurkur zitun mi tirepilpiili ŋgar ambaiŋana na, sombe tomtom sa itoombo be ipazal zin, nako tipiri sua sananŋana pini. Mi sombe tayaamba zin wal sananŋan, nako tipekel sua sananŋana kat piti ma kanda miaŋ!

⁸Tana zin wal ta tipakurkur zitun mi tirepilpiili ŋgar ambaiŋana na, toombo be pazal zin pepe. Kokena tiur koi pu. Mi tomtom ta le ŋgar ambaiŋana, to pazali. Pa ni ko leleene ambai pa sua ku pazalŋana mi iur leleene pu.