Sua Tutŋana 4:9-12

⁹Ŋgar ambaiŋana ko iwe kembei mogar ndabokŋana kat tau imbot la ndomom mi iwe aigau pu.

¹⁰O lutuŋ, leŋ sua tio ti mi kan la. Naso mbotmbot su toono ma molo, mi kom ndaama boozo.

¹¹Nio iŋgi aŋpaute u pa zaala ki ŋgar ambaiŋana. Aŋmuŋmuuŋgu pu, mi aŋzzo u pa zaala ndeeŋeŋana.

¹²Zaala tana, ambaiŋana. Sombe pa pa, na koroŋ sa ko irao iŋgal kumbum na som. Mi sombe loondo pa, na kumbum ko irao ikam giris ma mel na som.