Sua Tutŋana 24:24-33

²⁴Biibi ta so itirtiiri kat sua som, mi iso pizin wal ta tikamam ŋoobo mbulu na ta kembei: “Nio aŋre kembei leyom uunu sa isaana som.” Na biibi ta kembei, iwal biibi ko keten malmal pini, mi tigiibi sua sananŋana pini.

²⁵Mi zin bibip ta tiurur kat kadoono pizin wal sananŋan ma ikot mbulu kizin, inako timbot ambai, mi kampeŋana ki Anutu imbotmbot se kizin.

²⁶Sombe tomtom sa iso kat sua pu, ina iswe i kembei ni torom ŋonoono mi iurur kat leleene pu.

²⁷Paaza lem koroŋ, kam uraata pa mokleene ma imap, mi po lem ruumu, mana woolo. Naso niomŋan wal ku kombot ambai.

²⁸Sombe tipamender tomtom sa, na ŋgal sorok sua pini pepe, mi kwom pakaam pepe.

²⁹Re: Kokena nu so ta kembei: “A buri! Mbulu ta ni ikam pio, ta iŋgi be kadoono aŋpokot. Nio ko aŋkam mbulu raraate men pini, kembei ta ni ikam pio.” Na mbulu ta kembei, kam pepe.

³⁰Aigule ta na, nio aŋwwa ma aŋla mi aŋre la pa tomtom ta mokleene mi baen lene kini. Tomtom tana, ni maolŋana mi ŋgar somŋana.

³¹Worwooro matanmatanŋan mi mbutmbuutu sananŋan ise pa mokleene kini mi ilol ma imap. Mi siiri ta iliu lele kini tana na, borok su lene lup.

³²To aŋkam ŋgar pa mbulu ta aŋre na, mi ŋgar tio ipet.

³³Iti sombe namanda mburanda pa uraata som, mi tuurur matanda ri, tekenene lende ri, tombomboorende ri,