Sua Tutŋana 1:22-26

²²Niom wal ta leyom ŋgar biibi som na, parei? Leleyom be kombotmbot men ta kembei ma alok? Niom wal ta kapakurkur ituyom mi kerepilpiili ŋgar ambaiŋana na, mi niom wal kankaanaŋoyom ta kapase pa ituyom mi leleyom pa ŋgar ambaiŋana ri sa som na, ŋiizi mi kezem mbulu tiom tana?

²³Nio aŋso aŋpazal yom. Tamen leleyom be kotooro ŋgar tiom som. Mibe kotooro yom, so aŋswe ŋgar ta imbotmbot la leleŋ i, mi aŋso yom pa.

²⁴Nio ti, aŋbelmbel sua piom. Tamen niom kitidit kalŋoŋ. Mi aŋkololo yom be kamar, tamen leleyom be kamar som.

²⁵Pa ŋgar ambaiŋana ta aŋzzo yom pa i na, leleyom pa som. Mi aŋtomtoombo be aŋpazal yom na, keleŋleŋ la kalŋoŋ som.

²⁶Tana kaimer, sombe pataŋana biibi sa itok yom kembei miiri biibi, mi ipasaana yom kembei miiri napiu, mi isalakaala yom, mi ikau yom, mi ikam yom ma keseŋeeŋe, na nio tomini ko uteŋ katkat piom, mi aŋseeŋge piom.