Sua Tutŋana 14:18-20

¹⁸Zin wal ta len ŋgar biibi som na, tipamalmaala mbulu kizin talliŋana, kembei zin naroogo kan tipamalmaala aigau kizin. Mi zin wal ta len ŋgar ambaiŋana na, ŋgar kizin tana iswe zin kembei zan bibip, kembei mogar ta zin king tiurur na.

¹⁹Wal sananŋan ko tilek kumbun pizin wal ambaimbaiŋan. Ko tilala pa wal ndeeŋeŋan ruumu kizin kwon kwon, mi tipakurkur zin.

²⁰Wal sorrokŋan na, waen bizin tiurur kat lelen pizin som. Mi zin wal ta mbio uunu na, len tomtom boozo.