18Osi'a antahintahine vahe'mo'za, neginagi avu'avaza erisantiharegahaze. Hianagi makazama ankere'za hu vahe'mo'za, kini fetori anteankna huno antahizana erigahaze.
19Iza'zo kefo zamavu'zmava nehanamo'za knare'zama nehanaza vahe zamavuga zamarena regahaze. Havi zama nehamo'za fatgo vahe'mokizmi kegina kafante zamarena ome reza husga huzmantegahaze.
20Amunte'ma omne'simofona, knampa'amo enena avesiontegahie. Hianagi feno vahe'ma manisimofona, rama'a vahe'mo'za knampa'a manigahaze.