Sua Tutŋana 12:2-7

²Tomtom ambaiŋana na, Yooba leleene pini mi ikampewe i. Mi zin wal ta tirru zaala be tikam mbulu sananŋana na, Yooba iurur kadoono pizin.

³Tomtom sa irao imbol se mbulu sananŋana na som. Mi wal ndeeŋeŋan na, zin kembei ke ta uraana isula kat toono. Irao timuzu na som.

⁴Moori ta so ikamam kat uraata ma mbulu, na iwe kembei mogar pa kusiini. Pa ikamam ma kusiini niini izze. Mi moori ta so mbulu kini ipamiaŋ kusiini, ina ni kembei motmooto ta itoutou kusiini tiroono.

⁵Wal ndeeŋeŋan na, lelen iurur pa koroŋ ambaimbaiŋan men. Mi wal sananŋan na, sombe tikamam peeze piti, nako tipasaana iti. Tana irao tendemeere ŋgar kizin na som.

⁶Sua kizin wal sananŋan iwe kembei kilis be ikeene zin tomtom mi ipasaana zin. Mi wal ndeeŋeŋan na, sua kizin itatkewe zin pa pataŋana kizin.

⁷Wal sananŋan, sombe koroŋ sa ipasaana zin, nako irao timaŋga mini na som. Mi wal ndeeŋeŋan ziŋan wal kizin na, zin ko timender mbolŋana ma timbotmbot.