SOLOMON ENA ANE 2:3-14

³Uhau bogaragidiai egu lalokau na apolo auna uda audia bogaragidiai na heto. Ia ikerukeruna ai na helai mai moale-badagu ida; huahuana na mai gaihona udugu ai.

⁴Aria rumana ai e hakaugu lao; ena pepe lau daegu ai na lalokau.

⁵Vine huahuadia kakorodia amo ba ubugu, apolo huahuadia amo ba hagoadagu, badina be uraheni ese e hamasegumu.

⁶Imana laurina amo bema hahekwinagu, imana idibana amo bema rosigu.

⁷Ierusalem kekenimui e, na haḡanimuimu, uda nanidia bona dia daidiai, uraheni na basio haoa ela bona sibona baine noga.

⁸Egu lalokau tauna gadona! A itaia, ia na e maimu; ororo badadia ai e roho daemu, ororo maraḡidia ai e roho laomu.

⁹Egu lalokau tauna na uda nanina eiava dia natuna na heto. A itaia, emai ruma murimurinai e ginimu, gaba-mauruna amo e ha-igomu, makamaka amo e igo vareaimu.

¹⁰Egu lalokau tauna ese e hereva henigumu, ini e gwau tomamu: Egu lalokau e, a tore isi! Hane namo e, aitala!

¹¹Keru negana vada e ore; medu vada e doko.

¹²Tano heraheradia vada e tubu; ane-abi negana vada e kau; bona pune na e taimu eda tano ai.

¹³Suke huahuadia e dobimu, vine buredia e papamu, bonadia na e daemu. Egu lalokau e, a tore isi! Hane namo e, aitala!

¹⁴Egu pune e, oi na nadi matudia ai; oi na haga kohuadia ai. Vairamu bama itaia, bona gadomu bama kamonai; badina be gadomu na namo, bona vairamu na mai hairaina. *****