Solomon 7:1-11

¹Pren bilong mi, yu nambawan tru olsem wanpela kwin. Yu putim su, na lek bilong yu i smat moa. Lek bilong yu i naispela tru, olsem wanpela piksa saveman i bin katim long ston.

²Namel bilong bel bilong yu i olsem kap i pulap long wain ol i bin tanim wantaim switpela paura. Bel bilong yu i naispela tru olsem wanpela hip bilong wit ol i bilasim long ol naispela plaua.

³Tupela susu bilong yu i olsem tupela gutpela wel abus.

⁴Nek bilong yu i olsem wanpela waitpela taua. Ai bilong yu i olsem liklik raunwara klostu long dua bilong bikpela taun Hesbon. Nus bilong yu i gutpela tumas olsem taua bilong ol wasman bilong Lebanon we ol i save was long hap bilong Damaskus.

⁵Het bilong yu i antap moa olsem het bilong maunten Karmel. Gras bilong yu i lait olsem naispela laplap bilong king. Na dispela gras inap long mekim king i pundaun tru.

⁶Pren bilong mi, yu naispela meri tru. Mi laikim yu tumas na olgeta samting bilong yu i save mekim mi i amamas.

⁷Yu gutpela tumas olsem stretpela kokonas. Na susu bilong yu i olsem kaikai bilong en.

⁸Bai mi go antap long dispela kokonas na kisim kaikai bilong en. Mi lukim susu bilong yu i olsem han bilong diwai wain i gat planti kaikai.

⁹Mi smelim maus bilong yu olsem gutpela smel bilong laulau. Yu kis long mi na i swit moa olsem wain. Yangpela meri i singim song olsem Pren bilong mi, bai mi givim yu dispela wain. Na long taim bilong slip tu dispela kain wain i gutpela.

¹⁰Mi bilong pren bilong mi na em i laikim mi tumas.

¹¹Pren bilong mi, yu kam wantaim mi. Na yumi go i stap long ol liklik ples.