Soakas 6:3-13

³Ke ouinge, wen nutik, kom muta ye ku lun mwet sacn, tusruktu pa inge inkanek se ma ac ku in tulekomla liki uh: sulaklak nu yorol ac kwafe elan tulekomla.

⁴Nimet motulla ku mongla nwe ke na kom orala.

⁵Srola liki kwasrip sacn oana sie won, ku soko deer ma kaingla liki sie mwet sruh kosro.

⁶Mwet alsrangesr uh enenu in lutlut ke ouiyen moul lun mak uh.

⁷Wangin mwet kol, mwet fulat, ku mwet leum lalos,

⁸a elos etu in elosak mwe mongo nalos ke pacl fol, in akola nu ke pacl mihsrisr.

⁹Mwet alsrangesr se ac oan nwe ngac? El ac tukakek ngac?

¹⁰El fahk, “Nga ac motullana kutu srisrik. Nga ac elongak pouk ac monglana kitin pacl.”

¹¹A ke el motul, ma lal nukewa ac wanginla, oana in pisrapasrla sin sie mwet sulallal.

¹²Mwet lusrongten ac mwet koluk elos forfor ac kinauk kas kikiap.

¹³Elos kotmwet ac oru mwe akul ke lumahlos in kiapwekom,