Soakas 26:20-27

²⁰Fin wangin etong, e uh ac kunla. Fin wangin lesrik, ac wangin akukuin.

²¹Mulut uh akngengye e, ac etong uh oru e uh in firir, oana ke mwet folkas uh pirik na akukuin in tia tui.

²²Arulana wo eman lesrik uh. Kut lungsena ukumya.

²³Kas wo pusra ma okanla nunak na pwaye lun insiom, oana sie ahlu munas orekla ke kle ma mosrweyukla ke silver.

²⁴Sie mwet wosounkas el orekmakin kas kulang in okanla srunga lun insial.

²⁵Ku in arulana wo pusracl, tusruktu nimet lulalfongi, mweyen insial sessesla ke srunga.

²⁶El ku in okanla srunga lal, tusruktu mwet nukewa ac liye ke orekma koluk lal.

²⁷Mwet su oakiya mwe kwasrip nu sin mwet ngia, ac fah sifacna sremla kac. Mwet su orala mokuk uh, ac fah toatoa uh kac.