Soakas 24:9-20

⁹Ma nukewa sie mwet lalfon ac nunkauk in oru uh ac ma na koluk. Mwet uh srunga mwet se ma kwacna aklusrongtenye mwet.

¹⁰Kom fin munasla ke pacl kom sun ma upa, kalmac pa ku lom uh srikla.

¹¹Nimet alolo in molela sie mwet su akola in anwuki ke sripen nununku sesuwos.

¹²Sahp kom ac fahk mu kom nikin, a God El etekom ac nunak lom. El ac fah moli nu sum fal nu ke ma kom orala.

¹³Tulik nutik, kom in mongo honey, mweyen arulana wo. Oana ke honey emwem in oalum,

¹⁴ouinge lalmwetmet uh wo nu ke ngunum. Kom fin eis lalmwetmet, na moul lom in pacl fahsru ac fah wo.

¹⁵Nimet oana sie mwet koluk su pwapa sulal in pisrala ma lun sie mwet suwohs, ku in eisla lohm sel.

¹⁶Finne pus pacl sie mwet suwohs el ikori, el ac sifil tuyak, a mwe ongoiya uh kunausla mwet koluk.

¹⁷Nimet engan ke pacl mwet lokoalok lom sun ongoiya uh, ac nimet enganak ke pacl el tukulkul.

¹⁸LEUM GOD El ac etu lah kom engankin, ac El ac tia lungse; fin ouinge, sahp El ac tia sang kai nu sel.

¹⁹Nimet lela mwet koluk in akfosrngaye kom; ac nimet sok selos,

²⁰mweyen wangin finsrak lun sie mwet koluk nu ke pacl fahsru. Wangin ma el akwot nu kac.