Taalie 24:9-20

⁹Xaxilitareɲa findixi yunubi nan na. Adamadie mixi mayele xɔnma.

¹⁰Xa limaniya bama i yi ra tɔɔrɛ kui, i sɛnbɛ mu gbo.

¹¹Mixie ratanga naxee na saya kira xɔn ma, e ba mixie yi ra naxee wama e faxafe.

¹²Xa i a falama, «Muxu mu nu a kolon,» naxan bɔɲɛe ma fe kolon, a mu na toma? Naxan ɲɛngi saxi i xa simaya xɔn ma, na mu i furi ife kolon? A mu kankan sare ragbilenma a ma xɛ?

¹³N ma di, kumi nde don, barima se ɲɔxunmɛ nan a ra, a fan i fate bɛ.

¹⁴Kɔnɔ i xa a kolon xaxili luma nɛ alɔ kumi. Xa i a sɔtɔ, i xunnakeli lima nɛ yare, i xaxili tima naxan na, na mu kanama.

¹⁵I naxa gantanyi itala tinxintɔɛ bɛ, i naxa a xɔnyi kana.

¹⁶Tinxintɔɛ nɔma birade sanmaya solofere, a man keli. Kɔnɔ mixi ɲaaxi birama nɛ tɔɔrɛ kui kerenyi ra.

¹⁷I naxa ɲɛlɛxin i yaxui xa birɛ ra, i bɔɲɛ naxa rafan i ma i na a to tɔɔrɔ ra,

¹⁸xa na mu a ra Alatala i xa maɲɔxunyi kobi toma nɛ, a fa a xa xɔnɛ ragbilen i yaxui fɔxɔ ra.

¹⁹I naxa xɔnɔ fe ɲaaxi rabae ma, i naxa e tɔɔnɛ.

²⁰Mixi ɲaaxi mu fe fanyi lima yare, e xa lanpui fama nɛ xubende.