Soakas 18:10-24

¹⁰LEUM GOD El oana sie tower na ku, yen mwet suwoswos ku in som ac wikla we.

¹¹Mwet kasrup elos nunku mu mwe kasrup lalos ac karinganulos oana pot fulat ma rauneak sie siti.

¹²Sie mwet inse pusisel ac fah akfulatyeyuk. El su inse fulat ac fah sun ongoiya.

¹³Porongo meet liki kom topuk. Kom fin tia oru ouinge, kom oana sie mwet lalfon ac kom ac fah mwekin.

¹⁴Kuiyen nunak lom ku in kasrekom ke pacl kom mas. Fin wanginla, na finsrak lom ac wanginla pac.

¹⁵Sie mwet lalmwetmet el suk in akyokye etauk lal pacl nukewa.

¹⁶Kom fin ke osun nu sin sie mwet fulat, us sie mwe sang an lom nu sel, na ac fah fisrasr kom in sonol.

¹⁷Ke pacl in nununku, mwet se ma sramsram meet ac lumweyuk mu el pa pwaye, nwe ke pacl se mwet se lainul uh mutawauk in kisen siyuk sel.

¹⁸Mwet fulat luo fin amei in acn in nununku, na susfa pa ku in aksafyela.

¹⁹Kasru ma lim ac el ac fah karingin kom oana sie pot ku lun siti uh. A kom fin akukuin nu sel, el ac fah kaliya srungul lal nu sum.

²⁰Kom ac fah kosrani ma wo ku ma koluk ke kas nukewa kom fahk.

²¹Ma kom fahk uh ku in karingin moul ku kunausla moul; ouinge kom ac sifacna eis fokin ma kom fahk.

²²El su konauk sie mutan kial el konauk sie ma arulana wo; ma inge akkalemye kulang lun LEUM GOD nu sel.

²³Pacl sie mwet sukasrup el kaskas el enenu in kas fisrasr. A top lun mwet kasrup uh arulana kou.

²⁴Kutu kawuk uh tiana kawil, a kutu kawuk uh wo liki na tamulel.