Soakas 16:1-9

¹Kut ku in oru pwapa lasr, tusruktu kas safla kac uh ma lun God.

²Kom ac nunku mu ma nukewa kom oru uh suwohs, tuh LEUM GOD El liye nunak lun insiom.

³Siyuk LEUM GOD Elan akinsewowoye pwapa lom, na kom ac fah ku in orala.

⁴Ma nukewa LEUM GOD El orala ac oasr saflaiya; na saflaiyen mwet koluk uh pa in sikiyukla.

⁵LEUM GOD El srunga mwet nukewa su filang. El ac fah tia lela elos in kaingkunla mwe kaiyuk nu selos.

⁶Kom in oaru ac inse pwaye, ac God El fah nunak munas ke ma koluk lom. Alfulatye LEUM GOD na wangin ma koluk ac fah sikyak nu sum.

⁷Pacl kom akinsewowoye LEUM GOD, mwet lokoalok lom uh ac ekla mwet kawuk lom.

⁸Kom fin eis srik ke inkanek suwohs, wo liki ke kom eis yohk ke inkanek sesuwos.

⁹Kom ku in lumahla ma kom ac oru, a God pa ac oakiya inkanek lom.