Sion 6:45-51

⁴⁵Provet keil telamu amutisi avit, ‘Ahi varei hehisein meatin vasi keil.’ Ka koakeil along ren Ahi ka akur hihiseien eni amul umai venau.

⁴⁶Narvitentei keke meatin tai les Tata en meten kati. Inau enges nales Tata onak veni naka veni.

⁴⁷Anatin eli naviteni min kami keke koakeil vasi aling demkatien one enau ikur moulien ten lisenges.

⁴⁸Inau navi veret koa san moulien.

⁴⁹Avu onami keil akan manna en out volvol. Ka avaseini, keil umatmat.

⁵⁰Ka inau navi veret koa mita netan ran out nesa. Ka koakeil akan veret enek asakras avamat.

⁵¹Anatin, inau navi veret koa san moulien koa mita netan ran out nesa. Meatin koa kan veret enek, kei hemoul lisenges. Veret koa nasani min kami vi avek. Ka namul nasani min meatin keil ten out netan keke akilea avakur moulien.”