Yohani 6:45-51

⁴⁵Wambuyi wa Mlungu walembiti, ‘Wantu woseri hawafundwi na Mlungu.’ Kila muntu yakampikanira Tati na kulifunda kwa yomberi kizi kwaneni.

⁴⁶“Ayi yahera mana handa kamlamu muntu yakamwoniti Tati, payiweri ndiri uliya yakalawiti kwa Mlungu, uliya ndo yomberi yakamwoniti Tati.

⁴⁷Nunkugambirani nakaka, yakanjimira kana ukomu wa mashaka goseri.

⁴⁸“Neni nalibumunda lya ukomu.

⁴⁹Wambuyi wenu waliyiti mana kushiwala kulii, kumbiti wahowiti.

⁵⁰Kumbiti libumunda lyalilawa kumpindi kwa Mlungu su muntu yoseri yakaliya hapeni kahowi.

⁵¹Neni nalibumunda likomu lyalisulukiti kulawa kumpindi kwa Mlungu. Muntu yoseri yakaliya libumunda ali hakalikali mashaka goseri. Na libumunda lyanumupa yomberi ndo nshimba yaneni, yanuilaviya su wantu wa pasi panu waweri na ukomu.”