Jon 6:45-51

⁴⁵A kum poropet det sa tumus tari lena, ‘O God in ususer det rop.’ Det rop ra det longoro o Tita ma det ususer tano, det in nan torom iau.

⁴⁶Katutaio i tama tar o Tita. Ikut, i ra i wan tagisapat tan o God, i ut ra i sa tama tar o Tita.

⁴⁷A inanos mot nama lingmulus, osi ra i nurnur un iau, i sa los pas a nilaun tukum.

⁴⁸“Iau a beret na nilaun.

⁴⁹A kum tumtubu mot tagun numugu det wan a mana una nubual kalako taro uni, ikut det sa mat.

⁵⁰Ikut a beret ri, i wan tagisapat una langit. Osi ra in nani, ken mat.

⁵¹Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”