San Mateo 13:51-55

⁵¹Niꞌr Jesús gnabnëꞌ yuguꞌ bönniꞌ usë́d queëꞌ, rnëꞌ: ―¿I réjniꞌliꞌ yúguꞌtë lë ni? Gulubiꞌë didzaꞌ, tëꞌ Lëꞌ: ―Ja, Xan.

⁵²Jesús gudxëꞌ lequëꞌ: ―Catiꞌ chnazíꞌ lu nëꞌë bönniꞌ gdauꞌ usëdi le rna bëꞌë Dios yehuaꞌ yubá, naquëꞌ ca bönniꞌ xan yuꞌu, rbijëꞌ ladj yöl‑laꞌ tsahuiꞌ queëꞌ le nac cub len le nac gul, le nacgac dxiꞌa, ruziꞌë xbey.

⁵³Catiꞌ budx benëꞌ yuguꞌ lsaquiꞌ ni Jesús, buzë́ꞌë niꞌ.

⁵⁴Catiꞌ budxinëꞌ ladzëꞌ, busëdnëꞌ bunách nacuáꞌ lu yuꞌu ga tuꞌdubëꞌ tuꞌsëdëꞌ queëꞌ Dios bönniꞌ judío, atiꞌ gulubannëꞌ, taꞌnë́ꞌ: ―¿Gazxcz bzëdnëꞌ yöl‑laꞌ rejniꞌi ni bönniꞌ ni? ¿Nacxcz nac, runëꞌ yuguꞌ yöl‑laꞌ huac ni?

⁵⁵Naquëꞌ bönniꞌ ni zxiꞌnëꞌ bönniꞌ bëdx yag, atiꞌ lënu María xnëꞌë. Naquëꞌ bö́chiꞌquëꞌ Jacobo len José len Simón len Judas.