San Marcos 9:6-12

⁶Echa Jesús jemimboe reta oquɨye yae, jare Pedro mbaeti oicuaa mbae jei vae.

⁷Jayave ou amapɨtu omocuaraɨa reta, jare amapɨtu güi oñeendu ñee jei: —Cuae co jae cheRai. Aaɨu yae. Peyeapɨsaca jese —jei.

⁸Jare güɨramoiño omae reta yave, mbaeti ma oecha quia jae reta ndive, jaeño Jesús.

⁹Jare ɨvɨtɨ güi ogüeyɨ yogüeru rambueve, Jesús oyócuai reta: —Agüɨye pemombeu quia pe cuae peecha vae, ndei che cuimbaera ayeapo vae aicove ye ayu omanogüe vae reta ipɨte güi mbove.

¹⁰Jae rambue mbaeti omombeu quia pe, erei oparandu reta oyoupe: —¿Mbae pa oipota jei cuae omombeu ñandeve vae? ¿Quiraita pa oicove ye ou omanogüe vae reta ipɨte güi? —jei reta.

¹¹Jayave jae reta oparandu Jesús pe: —¿Maera pa jei mboroócuai re oporomboe vae reta Elías rani co outa?

¹²—Añete Elías rani co outa —jei Jesús chupe reta—, jare opaete oyapocavita. Jare ¿mbae ra oyecuatía oi Tumpa iñee pe che cuimbaera ayeapo vae re? Oyecuatía oi che jetata aiporara jare iru vae reta chereroɨrota —jei—.