Markus 9:6-12

⁶Sua tina, Petrus iso sorok. Pa ziŋan waene bizin timoto biibi kat.

⁷Molo som mi miiri tieene isu ma izukkaala zin. To tileŋ kalŋaana ta imbot lela miiri tieene mi ipet ma iso ta kembei: “Lutuŋ tamen ŋonoono ta nio leleŋ pini ilip kat ta tina. Keleŋ la kalŋaana!”

⁸To loŋa men mi matan ise na, tire Yesu itutamen. Tomtom toro sa som.

⁹Tizem abal mi tiwwa ma tisula na, Yesu kwoono imbol pizin be tiswe mbulu ta tire na uruunu pizin wal pakan karau pepe. Imbotmbot ma sombe Tomtom Lutuunu imaŋga mini pa naala, tona tiswe ma ipet.

¹⁰Tana naŋgaŋ kini tipo sua tana ise ndomon, mi zitun tiparwwi zin ma tiso: “Wai, sua ta ni iso pa maŋgaŋana pa naala na, ina ka uunu parei?”

¹¹To tiwi Yesu ma tiso: “Parei ta zin ŋgarŋan ki tutu tisombe Ilia bela imiili ma imar muŋgu, tona Mesia?”

¹²Mi ni ipekel kwon ta kembei. Iso: “E, ina ŋonoono. Ilia bela imar muŋgu, mi ipazal koroŋ ta boozomen. Mi nio aŋso piom. Sua tina iur ŋonoono ise ki Yoan kek. Motoyom iŋgal mbulu ta tikam pini na. Tito zitun ŋgar kizin mi tiseeze sorok mataana, kembei ta ka sua imbot ta muŋgu kek. Kenako parei pa sua ta muŋgu tibeede pa Tomtom Lutuunu? Sua ta kembei: ‘Zin ko tiseeze mataana, mi tirepiili i.’”