San Marcos 4:30-36

³⁰Ni chëb Jesús: —¿Pe cos nak sinak laañee xñabey Dios dyon, ni pe cos chak si chako?

³¹Nako sinak tu medzy martas nii xñaa lo kislyu. Lëë medzy ko nak tu medzy nii mastre wiich lo kislyu.

³²Per tsiñee lëëw lox xñaa, xroobo aan mastre chak ngolo lo kchësy kizh. Chak nxii xikwo ni axte mguiñ schilo ko xipchoos lo xingalo.

³³Nonsyke con cuent beeñ kseedy Jesús meñ, axte laañee byeñ xaa nii schilo kyeñ meñ.

³⁴Per ni tu pe bluuydy xaa singosy, sink nonsyke con cuent, nikxe tseyladzy xñee xaa xa nak cuent ko lo xpëëdscuel xaa.

³⁵Tsiñee lëë lyu pkyey misme tse go, lëë Jesús chëb lo xpëëdscuel: —Kol tsoo stublad chu nistoo.

³⁶Tsigo lëë xpëëdscuel Jesús psaan meñ, aan lëë xaa sini Jesús leñ tu barkw nii nol Jesús. Aan wi stubla barkw si ksa xaa.