Mareko 4:30-36

³⁰Ia abo i ene, “Eaubada ena basileia ta saha arinai ta heaheasoniei? Ginauri esana abo arinai ta heaheasoniei?

³¹Ia doha hinage sinapi tumana, esega se umai tano boeana eai, i gagiri ariri, tuma gamagaridi tano boeana eai iabom i gagiri ariri.

³²Se umai, abo ie tubu lailai, oeagi gamagaridi ia abo i tubutawatawaidi, lagana lailaidi se ini, malagaibu manudi abo se toalau loguloguna eai.”

³³Teina doha ena riba gamagaridi i heatadi parabole eai, isi edi sibasiba i heaigonogonoaiei.

³⁴Riba parabole eai mo ie ribalau aridi eai; isibom mo se mia suara, riba aniodi abo i hemasarahadi ena heaheatayao aridi eai.

³⁵Meta asubenana ne, maimailahina eai, Iesu ie ribalau aridi eai, i ene, “Ita ta awasi, ta lau hari sana awasi eai.”

³⁶Isi tatao moutuana se hetamaridi se lau, ia se abi waga eai, isi maedi. Waga headi maedi se lau.