Maleko 4:30-36

³⁰Yesu ye wane, “Yaubada yona basileiya kana kao kabo idohagi yoda hedehededena? O palabole saha unai kabo ta hekaigonogonowaei?

³¹Basileiya ne doha kaitabu tumana. Ye gagilikalili tuma maudoidi udiyedi.

³²Tumana ye bekudobi bwatano unai, kabo ye kinilakilaki doha kaiwa hekadiyo. Lagana lakilakidi se kini, na manuwa kabo se towa yo se kaiyawasi loguloguna ne unai.”

³³Yona lauhekata maudoidi udiyedi palabole unai ye hekatadi yodi nuwatulobai gonogonowana unai.

³⁴Palabole mo ye hepaisowadi yona lauhekata udiyedi. Na yona hekahekatao maiyanao se bom mo, kabo palabole kaniyodi wa ye hemasalahadi udiyedi.

³⁵Meimeilahina ne unai, Yesu ye hededelau yona hekahekatao udiyedi ye wane, “Ta kawasilau hali tanakawasi ne.”

³⁶Na tamowai maudoidi wa se laugabaedi, na Yesu yona hekahekatao waga wa unai hinage se gelu na Yesu maiyanao se lau, yo waga hekadi hinage se hemuliwatanidi.