SAN LUCAS 7:11-17

¹¹Chunꞌ ndiꞌin la ndyaa Jesús nde ska kichen seꞌen naan Naín; ndyaa neꞌ nu ngiꞌni xaꞌan chaꞌ ꞌin yu loꞌo yu, loꞌo kaꞌan ꞌa nten ndyaa loꞌo.

¹²Wa ndiya neꞌ tuꞌwa kichen kanꞌ, bra kanꞌ naꞌan neꞌ chaꞌ ndyaa loꞌo neꞌ kichen kanꞌ ꞌin ska ayman chaꞌ wa katsiꞌ. Sñiꞌ ska nu kunaꞌan tiꞌi lka ayman kanꞌ; wa nganun nu kunaꞌan kanꞌ xka ti chaꞌ ngujwi sñiꞌ, chaꞌ ska ti sñiꞌ kiꞌyu nsuꞌwi nu kunaꞌan kanꞌ, loꞌo wa ngujwi yu ni. Tyun ꞌa neꞌ kichen kanꞌ mdaꞌan neꞌ loꞌo.

¹³Bra nu naꞌan Jesús nu nka Xꞌnaan ꞌin ayman kanꞌ, ngwa tꞌnan ꞌa tiꞌ yu ꞌin nu kunaꞌan tiꞌi jyaꞌan ayman kanꞌ. Bra kanꞌ ykwiꞌ yu loꞌo: ―Ja kunaan ―ndukwin yu.

¹⁴Bra kanꞌ yaa Jesús seꞌen ndiꞌin neꞌ kanꞌ, mstya yaꞌ yu chunꞌ kaꞌ seꞌen nsuꞌwi ayman. Bra kanꞌ yaa tuun neꞌ nu ndiꞌya ꞌin ayman kanꞌ, ykwiꞌ Jesús loꞌo ayman kanꞌ: ―Yu kuneꞌ ―ndukwin―, ¡tukwii lyaa!

¹⁵Bra ti mdyitukwa ayman kanꞌ, mdyisnan yu ykwiꞌ yu loꞌo neꞌ bra kanꞌ. Xiyaꞌ ndya Jesús ꞌin yu kuneꞌ kanꞌ ꞌin jyaꞌan yu bra kanꞌ.

¹⁶Yuwe ꞌa tiꞌ nchga nten la kanꞌ, chaꞌ naꞌan neꞌ ꞌin yu nu ngujwi kanꞌ. Bra kanꞌ mdyisnan neꞌ yꞌni tnun neꞌ ꞌin Ndiose. ―Tnun ꞌa chaꞌ ndiꞌin ꞌin yu nu wa mdiyan seꞌen ndiꞌian ni ―ndukwin neꞌ―, kanꞌ lka nu nchkwiꞌ nchga chaꞌ ꞌin Ndiose loꞌoan. Ngwañaꞌan ndukwin neꞌ bra kanꞌ. Loꞌo xka chaꞌ ykwiꞌ neꞌ: ―Wa mdiyan Ndiose ni, chaꞌ tayaꞌ Ni ꞌin nten ꞌin Ni ―ndukwin neꞌ.

¹⁷Wa lye ꞌa nganen nchga chaꞌ tnun nu yꞌni Jesús nde nchga kichen lo yuu ꞌin Judea; ngwañaꞌan tyun kichen nu ndiꞌin tijyuꞌ la nganen chaꞌ kanꞌ.