25Sa yero tiquinare yahu nemoahye: —Ti pjere asʉ̃ deco cjʉ̃no, ñami cjʉ̃no, ñahpicoha gʉ̃hʉ sijoro saha ijiyequina wahaeta. Ijipihtiyequina ahri yehpa cjẽna “Acuehi, yarianata”, ni tʉhotuyequina pajiri ma cjẽ pahcõri cua yʉhdʉaro ti pahcõri bisi cãhtagʉ̃ tʉhoye tutuaro cueeta.
26Ti pjere ʉhmʉse cjẽ yehpari, ñahpicoha gʉ̃hʉ ti sa wahaducurore camesaeta. Sa ye ñuhmieta. Ti sa wahagʉ̃ ihñañe, masa pehe ahri yehpa pihtiatire cohteye, tutuaro cueeta.
27Ti pjeta yʉhʉ masʉ Cohãcjʉ̃ ohorigʉ Cohãcjʉ̃ tutuaye mehna tiquiro asi siteye mehna ehmeo curua buipʉ yʉhʉ ahtagʉ̃ ihñaeta masa.
28Ahri sa waha dʉcagʉ̃ ihñana, wacũ tutuana ijiya. Sa yena ʉhmʉsepʉ ihñaña. Ti pjere Cohãcjʉ̃ mʉsare pecapʉ wahaborinare tiquiro yʉhdʉoato mehenogã dʉhsarota, niahye Jesu.