LUKA 21:25-28

²⁵MIZMIZ 21 NOSIK 25-36 Iesude detauti, “Able adudlu ya obakelare limge, mebge a pako werge. Able gesepge, wader buaigiz ya able gur bumerlam a au meglam geumge obakelare.

²⁶“Le ya geumge erkepinorge obakelare nade wi odasmerlare able bodomalam ya watabakiamu kemerkemer gesepem; wer a wader lu pe mige nagri ya adem obaker taba agekar uteblam.

²⁷“Keubu wi odasmerare Lera Werem watabakiamu bazge au sasrimsasrim a au zoromzorom.

²⁸“Nade able lu ya obagrertare, wa bako a erkep adem nagredawa ableglam wabi azimwaretira kerker pe itutida.”