Luk 21:25-28

²⁵“Nemaf anama ikwaf hianai notagama aon alipunai owambunai neloma ondowa. Etap anaeꞌ amam nematawa hiesi sape anona etap luꞌunai hiagoma gegelaꞌasis kwapeteꞌas. Esis umba mohas kwapeteꞌas ma naoh luꞌwami mohafel luꞌum mowa bililig etin eaꞌ sowa selef.

²⁶Eaꞌ ondowa maim mape gani ilifi mondakotoꞌ bolatin mofeꞌ mifiꞌi mope. Naꞌama esis amam nematawa hiesi umbamohas kwapeteꞌas sowa soꞌoh etap siꞌi sagaꞌi. Esis ukup mopoma amamaga amama maꞌi meataga etap anaeꞌ.

²⁷Aeꞌ ataga epen endilisiwei. Nemaf anama siti aeꞌ eloma elagw otaga ilif ifiꞌi eloma amamaga mafifili buꞌwami Godi moloma pepel ananinai.

²⁸Nemaf anama amamaga amama mohafel, ipeꞌ pitu piniga. Deiꞌ main, nemaf anama felefeleꞌma neataga God notagahipa ma waf aonai ipeꞌ pandaꞌanai nofaꞌepa petanimani.”