San Lucas 14:14-18

¹⁴Ta hac tuꞌ chawute, sakꞌal hawet chal tuꞌ, yuto chachah ispaj selel yin̈ huneꞌ tzꞌayical bay chiitzitzbican̈ anma ayxaco yul iskꞌab Comam.

¹⁵Hayet yabelax huneꞌ tuꞌ yu anma ayco sat meẍa tuꞌ, yalni huneꞌ naj tet Comam: —¡Sakꞌal yet anma chiwaꞌ iscꞌatan̈ Comam Dios yet huneꞌ tzꞌayical tuꞌ! ẍi naj.

¹⁶Yuxin yal Comam Jesús hacaꞌ tiꞌ: —Yet hunel ay huneꞌ naj winaj ecꞌtzen huneꞌ niman kꞌin̈. Caw xin txꞌiꞌal anma yawte naj waꞌo iscꞌatan̈.

¹⁷Hayet lan̈anxa yapni yorahil yoc wah tuꞌ, ischejnito naj iscꞌamteꞌ yalno tet ebnaj awtebil tuꞌ hacaꞌ tiꞌ: “Ton̈wej yuto cꞌulxa ye tzet chelo,” ẍi naj.

¹⁸Hayet yaben ebnaj tzet yal naj cꞌamteꞌ tuꞌ, yalni naj babel: “Lan̈anto inlokꞌnihan huneꞌ intxꞌotxꞌan, haꞌ txꞌotxꞌ chintohan wilaꞌan tinan̈, yuxinto akꞌ nimancꞌulal win̈an, mach chu wapnojan,” ẍi naj.