San Lucas 14:14-18

¹⁴Toƚta'a, tama iƚniya aimi'iya mi'najtse'eyaco', toyaicona'ma al c'a. Ticuaihuo litine timaf'ina'me lan ƚijca xanuc', ȽanDios ti'najtse'mo' jouc'a.

¹⁵Licuej'ma lonespa Jesús anuli jiƚpe titesma timi: ―ȽanDios cal Cuecaj Rey ti'eta juic jiƚpe pe locuxeyopa. Ƚinca al c'a loyaicoya cal xans notsufaiya jiƚpe, titetsota.

¹⁶Jesús italai'e'e'ma, timi: ―Anuli cal xans ti'e'ma al cuecaj juic. Ijoc'ipola' axpela' lan xanuc'.

¹⁷Icuai'ma jiƚe litine al cuecaj juic, umme'ma ƚimozo, timitsola' lijoc'impola': “Tonƚouyunca. Joupa imacoƚpá. Toƚtetsota.”

¹⁸’Jahuay iƚniya lijoc'impola' ipango'me ines'me: “Aimi'iya ca'huaya”. Cal te'a timi: “Joupa ai'napa ƚainemats'. Ai'huapa caxinna. Tomitsi ƚopoujna: Aimi'iya micuaicoya.”