Luk 14:14-18

¹⁴Tɛm tatɔkɔ pəbɔt’əm, bawo ŋayɔ fɛ daka ndɛ ŋaŋkɔ-luks’am kəway ka pətɔt papɔkɔ mɔ. Kanu gbəcərəm kəndekɔ-tam kəluks’am kəway kaŋkɔ, nde ayɔ pətɔt ŋandekɔ-yɛfɛ defi mɔ.»

¹⁵Ntɛ afum ŋane moloku mamɛ mɔ, kɔ fum wəlɔma nwɛ ɛnandɛ dɛmɛsa mɔ, oloku Yesu: «Pəbɔt məna nwɛ məndekɔ-di yeri nde dɛbɛ da Kanu dəntɔf mɔ!»

¹⁶Kɔ Yesu oloku fum wəkakɔ: «Fum wəlɔma ɛnaboc kəsata kəpɔŋ, k’ewenɛ ki afum alarəm.

¹⁷Ntɛ tɛm ta kədi yeri yayɔkɔ tendebəp mɔ, k’osom wəcar kɔn kəkɔ-loku afum aŋɛ ewe kəsata mɔ: ‹Nəder! Alip kəcoŋ.›

¹⁸Mba kɔ kan-kan ɛyɛfɛ kəlɛtsɛnɛ kɔ. Kɔ wəcɔkɔ-cɔkɔ oloku kɔ: ‹Məŋaŋnɛn’em, dalɛ d’ iway idɔ pəmar ikɔ imɔmən; ilɛtsɛn’am ta məsumpər’em ti!›