San Juan 7:2-12

²Per cun azeddzɨngax laní ni rbez de bniety láani de ranch par tuxman, niy ná tuby laní ni run de bniety Israel,

³ax raipy de bets Jesús laany: —Quebdiia, quegüe nez Judea, te par iniáza de xpɨnniu ni nuu nezqui de milagrɨ ni runu.

⁴Te pur chi rcaaz bniety gacbee bniety de cos ni runbɨ quɨt náti par gúnbɨni xgaats. Anre zec ni runu de milagrɨ, baanni nez lo ira bniety.

⁵De bets Jesús guniideb ziy te pur niclɨ laadeb quɨt reldilaazdeb laany.

⁶Chiyru raipy Jesús laadeb: —Zeczi gady idzɨny horti xtena, per par laat hórtisy ná güen.

⁷Laat quɨt xo idxichnéti bɨnguɨchliu laat. Per nare rdxichnédeb naa pur rguixtiia lodeb dec mal ná ni rundeb.

⁸Gulchia laní, te nare quɨtga cháatia te pur gady idzɨny horti ni cháa.

⁹Chi gulull raipny laadeb ziy, ax biianacny Galilea.

¹⁰Después deni zé de bets Jesús, chiyru zény laníqui, par quɨt tu gacbee dec nény zé.

¹¹Per nuu de bɨny Israel ni rguíily laany lo laníqui, rniideb: —¿Cúndxa bnietqui?

¹²De lo ira bniety guilliú ni güe laníqui, iralote rniideb pur Jesús. Nuudeb rniideb: “Güen nány”, per nuuzadeb rniideb: “Quɨt nátiny güen sino que runny engany bniety.”