Joni 7:2-12

²Jiu vahe'mo'za fugagi nompi mani'neza, kave eri'za eme ante'za muse hu'za ne'za nekna kofa hu'ne. (Lev-Pri 23:34)

³Ananku hu'za afu'agnahe'za Jisasi asmi'naze, Amafina atrenka Judia kaziga vuge'za, Kagri kamagenentaza disaipol naga'mo'za, Kagrama eri fore nehana avame'zana kageho.

⁴Na'ankure mago'mo'a oku'a mago'zana osugahie. Vahe'mo'ma amate antahino keno haniema hanunka, avamezama maka mopafi vahete Kagraka'a kzeri ama hunka huge'za kageho, hu'za hu'naze.

⁵Na'ankure Agri afu'agnahe'za anazanke hu'za, Agritera zamentinti osu'naze.

⁶Anazanku Jisasi'a zamagrira zamasmino, Nagri knamo'a kofta osu'ne, hagi tamagra amne vano hugahaze.

⁷Mopafi vahe'mo'za tmagrikura zamarimpa aheormantegahaze. Hagi Nagrira zamarimpa ahenantegahaze, na'ankure Nagrama huama hu'na avu'ava tmimo'a haviza hu'ne, huazanteku ana nehaze.

⁸Tamagra'tmi ana muse nezantera mreriho, Nagra ana muse nezantera ovugosue, na'ankure Nagri knamo'a eohnati'ne.

⁹Ama ana nanekema zamasmiteno, Galili kaziga mani'ne.

¹⁰Hianagi Agri afu'agnahe'za ana muse ne'zantera mareritazageno, anante Agraku anazanke huno zamage'a mrerino, oku'a vu'ne.

¹¹Ana hige'za Jiu kva vahe'mo'za Agriku ana muse ne'za neknare nehakre'za anage hu'naze. Inantega Jisasi'a mani'nesie? hu'za hu'naze.

¹²Jisasinku ana vahe kevufinti sumi ke ohumi ahumi hu'za Agra knare Ne' mani'ne, nehzage'za ruga'amo'za huza a'o havi ne'kino, vahera zamavreno havi kante nevie hu'naze.