San Juan 2:2-11

²Ya si Jesus yan y disipuluña maagange locue para y guipot umasagua.

³Anae taya y bino, y nanaña si Jesus ilegña nu güiya: Taya binoñija.

⁴Ya ilegña nu güiya si Jesus: Pot jafayo na juentalo nu jago, palaoan? trabia ti mafato y orajo.

⁵Si nanaña ilegña ni manmañeñetbe: Fatinas todo y tinagoña.

⁶Y estaba güije saes lauyan acho, parejoja yan y guinasgasñija y Judios, na manulat, cada uno, dos pat tres cantaro.

⁷Ylegña si Jesus nu sija: Nafanbula este sija lauyan janom. Ya manafanbula asta y pachot.

⁸Ya ilegña nu sija: Chile pago ya innae y maestrosala; ya machule.

⁹Ya anae y maestrosala jachague y janom na mafatimas bino, ya ti jatungo guine mano: (lao y manmañeñetbe tumungo, na jachule y janom), y maestrosala jaagange y nobio;

¹⁰Ya ilegña nu güiya: Todo y taotao janafofona y mauleg na bino; ya yaguin esta manjaspog, ayo nae y mas manaelaye: lao jago unnanana y mauleg na bino asta pago.

¹¹Este na tutujon y señatña sija, jafatinas si Jesus, guiya Cana suidan Galilea, ya janamatungo y minalagña; ya y disipuluña sija majonggue güe.