SAN JUAN 18:4-13

⁴Huan quen Jesús yimomautica in tlen yau tepanohua, oquixohuac huan oquitlahtlaniloc: ―¿Aquin nanquitemohuahque?

⁵Yehhuanten otenanquilihque: ―Tictemohuahque in Jesús ialtepeu Nazaret. Huan Jesús oquinnanquililoc: ―Nehhuatl niJesús. Huan ompa inuan ocatca in Judas, aquin oteichtacatemactihticatca.

⁶Huan ihcuac Jesús oquiniluiloc: “Nehhuatl niJesús”, omotzinquisque huan ohuetzque tlalpa ica moucayotl.

⁷Oncan Jesús oc sepa oquintlahtlaniloc: ―¿Aquin nanquitemohuahque? Huan yehhuan oquihtohque: ―Tictemohuahque in Jesús ialtepeu Nazaret.

⁸Oncan Jesús oquiniluiloc: ―Yonamechiluic quen yinehhuatl in Jesús. In tla nehhuatl nannechtemohuahque, xiquincahuacan inin oc sequin mayacan.

⁹Inin opanoc ic matzonquisa in tlen Jesús omihto: “Ica yehhuan aquin onechmacaloc, Nohueyitahtzin, ahmo opoliu niyan seya.”

¹⁰Oncan Simón Pedro, quen oquipiyaya se espada, oquiquixtic huan oquinacastzontec se den tlacamen itoca Malco, itlaquehual in hueyixtoc den tiopixcamen.

¹¹Huan Jesús oquiluiloc in Pedro: ―Xiquehua in espada. Huelica nicselis inin tlapanolistli quen monequis Tohueyitahtzin, masque molui tequiyo.

¹²Oncan in soldados den ololi, ihuan incomandante, huan in topilihten den judeahtecos otequitzquihque in Jesús huan oteilpihque.

¹³Oncan niman otehuicaque ichan in Anás. Anás imonta in Caifás, in aquin ocatca in hueyixtoc den tiopixcamen inon xihuitl.