Samsi 34:17-22

¹⁷Guyau, tau laulau dudulai edi tan ya atahi. Haba ya saguhidi, edi pilipili mahudoꞌidi yai haba ya fasagu fahidi.

¹⁸Guyau mate fadidi yai, salumadi sa nuwa belubelu ya fasagu fahidi.

¹⁹Tau laulau dudulai, pilipili boludi ya fahoinadi, in moho Guyau ya fasagufahi pilipili lisidi yai.

²⁰Guyau ya ita watan komakomaniꞌi be hige siyadana laꞌi i tapwai.

²¹Heyaya tau ginaulina haba ya faheyaya fuyoi. Na tau laulau dudulai adi waiyunu haba sa fakamkamnadi.

²²Guyau haba ena tau lau fayofayo ya sagu fahidi; yo salumadi sa sunumaꞌen bena In tau saguhidi, ibege heyaya ti fahoina.