Sam 34:17-22

¹⁷Limixin manmanton di toro ke at Leeme Silok, la ni ing tonga res atnedi. Neni ik lox asepsu di basinge levenmumuat atnedi.

¹⁸Leeme Silok i gagas amisik ti lok tooro nedi dik lok tuntun, la i lox asepsu nedi ua lodoxoma abulubun i suxuna rinotno di.

¹⁹Do laradi nunuan na ekip tangarang mi laxanmumuat solo, Leeme Silok naba lox asepmus i basinge axap mo lempanga.

²⁰Leeme Silok naba lok tatao axav i, la kopmen toxosi ren naba repit.

²¹Limixin kakapmek dinaba met nop loklok kakapmek atdi. Nedi di belengatngas ti limixin manmanton, dinabap kip ka losongsongot.

²²Leeme Silok naba lox asepsu limixin teren. Nedi dinaba repukus taba i ri loklok tooro ren, di noxo ruuna ka lumumuat mavana atdi.