Samsi 27:2-11

²Yena agu waiyunu, heyaya dodogadi sa duhu mahanoꞌigu bena sa faheyayagu, iti moho haba sa faꞌalu betibeti be sa beꞌu.

³Ibe sa fataꞌiꞌiligu; ibege ya ꞌwasabu. Yo yena agu halulu sa laoma, haba nuwagu ya adidili.

⁴Guyau lisina yai ginauli esega E anꞌetai yo E fanuha wananahai mate, bena Guyau, ena luma yai E miya, fuya ouꞌouli, egu mwahuli ganahewana yai be nenena loholohona E itaꞌitai yo E laulauꞌuꞌula lau lisina ena Dubu Tabuna yai.

⁵Yena pilipili E fahoina haba ya bobodiyegu. Haba ena palai fafatabuna yai ya simogu, yo umeꞌehu hewa wananahana yai haba ya tolegu.

⁶Habahim, E tamahiti, be agu waiyunu sa fataꞌiꞌiligu E tiꞌe tawaidi be ibege ti lei hafihafitigu. Em luma fatabuna yai haba egu antalasam E ginauli ma wowogu; Haba E wana yo dagugu loholohona E ginauli be Guyau E fadebasae.

⁷Aee–, Guyau, u nuwatohatohaegu, yena E yoga laꞌilaꞌi alinagu u atahi be u bui.

⁸Wa liba uwen, “U laoma u fadebasaegu!” Logena e laoma.

⁹Yau em tau lau fayofayo! Tabu u manabalaꞌegu be u taꞌai mulimuliyegu. Um tau sagusaguhigu, Yaubada, um tau famwahuligu; tabu u nuwa afulegu.

¹⁰Ibe tamagu yo tinagu sa lau afulegu. Guyau haba ya abi komakomanigu.

¹¹Aee–, Guyau! Agu waiyunu debadi yai em miyamiya, u faꞌatagu, be laulau dudulaidi, ya miyamiyaꞌedi.