Sam keil 96:1-6

¹!Mihesau en souen hau tai heha min Iahova! !Meatin vasi keil ten out netan, mihesau mini!

²!Mihehati lat Iahova hetal min souen keil! En avong vasi, mihehitehiten more longlongien mihehit kei mul mutut moulien orer.

³Mihehitehiten usil hetetamenien onen heha en out vasi en out netan. Mihehit usil keihoen onen min meatin vasi keil.

⁴Iahova tahos imok, ka mal keke rehehati lat isen. Rehehouhou min kei sasen, ka rehermusiltei ahi sav keil.

⁵Ahi keil onen meatin savsav keil avi heisav enges, ka Iahova koa mumon out nesa, kei vi Ahi anatin.

⁶Kei vi asuv houlu orer ka muohien ten hetetamenien onen mul ritin karahiti. Eim Votut onen vilelau en keihoen ka tahosien onen.